Tugadh cuireadh do dhaltaí ó Bhliain 10 sna scoileanna áitiúla 2ú leibhéal chun blaiseadh a fháil de na deiseanna gairme atá ar fáil trí mheán na Gaeilge. Bhí cuid mhaith eagraíochtaí ó earnáil na Gaeilge i láthair ag freastal ar sheastáin eolais, cluichí agus ceardlanna, chomh maith le cainteanna ó dhaoine a oibríonn san earnáil.

Buíochas mór leis na scoileanna agus eagraíochtaí ar fad a bhí linn ar an lá. Tá sé de rún againn cúpla imeacht mar seo a dhéanamh go bliantúil agus, mar sin, tá muid ag súil leis go mbeidh sibh linn arís amach anseo!